Lyrics Home | Browse by Language| Album | Artist | Top Viewed

ஜகநாதா, குருபரநாதா

• • ஜகநாதா, குருபரநாதா
  • பல்லவி
  • ஜகநாதா, குருபரநாதா, திரு
  • அருள் நாதா, ஏசுபிரசாதா நாதா! 
  • 
    
  • அனுபல்லவி
  • திகழுறுந் தாதா, புகழுறும் பாதா,
  • தீதறும் வேத போதா! --- ஜகநாதா 
  • 
    
  • சரணங்கள்
  • 1. முற்காலம் ஆதிமைந்தர் மோசப் பிசாசு தந்திர
  • மொய் கொண்டு கனியுண்ட பழியாலோ?
  • நற்காலம் நீ தெரிந்து, நவின்ற வண்ணம் பரிந்து,
  • நரதேவனாக வந்தாய் மொழியாலோ? --- ஜகநாதா
  • 
    
  • 2. எளிய கோலம் தரித்தே இங் கவதிரித்தாலும்,
  • இமையோர் வந்திறைஞ்சிடத் தெரிந்தாயே,
  • ஒளி செய்யும் பணிமுடி உயர் மன்னர் தொழும்படி
  • உடு வழி காட்டிடப் புரிந்தாயே --- ஜகநாதா
  • 
    
  • 3. அருந் தவன் கையில் தங்கி, அன்பின்பக் கடல் பொங்கி,
  • ஆலயத்தில் துதிக்க களித்தாயே,
  • வரும் தவ மதியால் முன் மற மன்னன் தேடிட, உன்
  • மலர் முகங் காட்டாமல் ஒளித்தாயே --- ஜகநாதா
  • 
    
  • 4. மக்கள் உளக் களங்கம் மாசற்றொளி விளங்க,
  • மதுரபரசங்கம் யார்க்கும் உரைத்தாயே;
  • சிக் கடர் துன் மனத்தைத் திருத்தி, அறத்தின் வித்தை
  • திருத் தயை கூர்ந் தெவர்க்கும் விதைத்தாயே --- ஜகநாதா
  • 
    
  • 5. தனையர் வல் நோயைக்கண்ட தாயார் மருந்துட் கொண்ட
  • தகைமை எனப் பேரன்பு கூர்ந்தாயே;
  • வினையர் வெம் பாவக் கேடு விலக அரிய பாடு
  • மேவி அனுபவிக்க நேர்ந்தாயே --- ஜகநாதா
  • 
    
  • 6. அமரர் முற்றும் அறியார், அடிகள் சற்றும் அறியார்,
  • ஆர் உன் திறல் அறிவார், கர்த்தாவே?
  • எமது பவம் பொறுத்தே, இரக்கம் எம்மேல் உகுத்தே,
  • எமைப் புரந்தாளும், மானப் பர்த்தாவே --- ஜகநாதா
• Album: கீர்த்தனைகள், Artist: Unknown Artist, Language: Tamil, Viewed: 304 times